حتى القلم مبقاش يطيق السطر
زي الكلام هربان من التدوين
و الشعر بقى اعرج .. ناقص شطر
كل الحروف محبوسة في الزنازين
قفلت ببان الوصف و الشبابيك
والرسم و الكراس تابوا مع التلوين
ياللي الجمال رافض يكون غير ليك
حتى الزهور رحلت عن البساتين
الحب امنيه حولها العشق لاماني
و ازاي اعشق جمال خلى العقول مجانين
كل الحكاية ملاك و اغواني
رفعتني فوق السما .. و اتعدلت الموازين
يا اماني مديون لك بعفة نفس
و بسعد عوضني اما كنت حزين
انا كان سؤالي ازاي هاتوب في الامس
ازاي هداري ذنوب عملتها ف سنين
جه جمال روحك .. وجهني للمولى
اخلاقك .. اللي رجعلي حنين
لزمان .. قبل اما اقول اولى
اعيش وحدي .. و لا اكون من العاشقين
