السبت

صباح الخير يا مصر

شقشق وزقزق يا فجر يا عصفور
الليل نسايم حب
وانت غفير النور
تصحّي الخلايق .. ببلها رايق
ووش مش مكسور
تفتح ستاير ... والشبابيك
وتشم ريحك
وتلاقي شمس منورة
ماشيه في ربيعك
بتشق الجدار .. وتنط من ع السور
تلمسك
تكون مسرور
تفارقك
هاتجري عليها
فيها الدفا موفور
وتسمع صباح الخير
من اي حد رايح .. واي حد رايح
يرد بصباح النور
ومن بيتك لشغلك
في اي حته في بلدنا
لازم تشوف النيل
تصبح عليه
ويصبح عليك يا جميل
وعليه شعاع الشمس
كانها بلور
وعمرك ما تلقى الصباح ده
غير في مصر
مهما تلف .. ومهما تدور

هناك 3 تعليقات:

أنا المصرى يقول...

احلى كلام يا معلم

مي الحلواني يقول...

صباح الفل

AzemA يقول...

طبعا يا مصري انت مصري واكييد حاسس بكل معني
وصباح الياسمين على عيونك يامي