الأربعاء

اضحك

الشمس كل يوم تطلع
تنده تقول
اضحك يا انسان
عمرك يطول
افرح ياانسان
وارمي الحمول
على الخالق الواحد
لو بس تلجاله
همك يزول
وفي يوم مطلعتش الشمس
وبدا بين العباد الهمس
وبدا العبوس على الوشوش يترسم
علشان مسمعوش الكلام امس
مضحكوش مفرحوش
كانوا مفكرين ان العيب في الوشوش
واحد له وش بيضحك وواحد ملوش
من رميهم الحمول على بعض معرفوش
ان وش الضحك محدش مخدوش
بس فيه اللي بيعرف يشغله
واللي بيكسل وميشغلوش
ولو تطلع الشمس تاني
هتنادي وتقول
يا انسان
اضحك
عمرك يطول
افرح
ارمي الحمول
على الخالق الواحد
لو بس تلجاله
همك يزول
دا انت في الاخر
طلعت عبد ضعيف مشلول
مش عارف حتى تضحك
و كاره تكون ملول

هناك 7 تعليقات:

مي الحلواني يقول...

حلوة قويييييييييييييييييييييييييييييييييى

AzemA يقول...

شكرا يا مي على المجاملات اللي مش قادرين نرد اي حاجة منها :):):):)

غير معرف يقول...

يا ولد يا ولد يا ولد .. رائعة بجد
mazmoz

AzemA يقول...

هههههههههههه هو الولد هنا كمان
ماشي يا حودة تسلم على ردك يا ريس

ابن أم الدنيا يقول...

كلمة واحدة تعبر عن المقال.... تحفة

AzemA يقول...

شكرا جدا يا ابن مصر ام الدنيا
احلى حاجة ان اللي بيعدوا هنا كلهم بيحبوا مصر اوي

dema يقول...

كتير حلوه .... انا اليوم فتحت مدونتك وبصراحه عجبني كل مواضيعك و كتاباتك ... فنان