سطور في حب مصر

ظالمينك و عاملينك كورة وشــبكة
لو دخلت نهيص ولو خرجت تبقى ربكة
...........
مش عارفينك وانتي اللي لماهم
بيشتموا فيكي علشان حكومة ظلماهم
...........
يقول بحبك وفي ثانيه ينساكي
لو حد قاله سيبها دا في غيرها هتاكل ماك وكنتاكي
...........
نسوا الشوارع نسوا الاراضي نسوا النيل
نسوا العمر اللي عدى وعنيهم شايفه كل جميل
...........
يمكن اسيبك والف العالم ورا حلم وردي
حلم ان اعرف كل واحد معنى قيمة بلدي
...........
يا مصر انتي اللي باقيه واحنا اللي ماشين
يا مصر انتي الكبيرة وهانفضل احنا صغيرين