زمن عسير

وده يرضي مين يا زمـــن
تبقى الخيانة من غير تمن
ويبقى الامين مش مؤتمن
وتبقى الصحاب كتير كتير
من حوالينا زي التــــــراب
بنفخة واحده يصير سـراب
حتى الحب .. راح وغــاب
والباقي منه مليان عـــتاب
من غير اشواق
مفيهوش دموع مفيهوش شجن
زمن الشريف فيه اتسجــــــــن
زمن المفيد ع الرف اتركــــــن
زمن النفوذ زمن الفلـــــــــوس
زمن الحرامي و خراب النفوس
لكن مــازال
هناك احتمال
نرجع نعود
ترجع اخلاقنا زي الجدود
نحب بعــــض
ننسى الجحود
ننسى الشرور
تصبح حياتنا وهجة نـــور
تصبح عاداتنا خير مبرور
و الرزق يبقى رزق بحور
رزق حـــلال
من عند ربك
اللي قادر على المحــــــــــــــــال