شجع مصر

في كتير ممكن يقولوا ان ماتش كورة ميوصلش للمرحلة دي .. و حبة يقولوا لازم نعمل و نسوي و نطلع تيييت و تييت ولاد التييت دول بتوع الجزائر طبعا .. انا يمكن كنت اعتزلت تشجيع الكورة المصرية بجميع انواعها ( اندية و منتخبات ) وده بسبب نظرتي الخاصة لموضوع الكورة في مصر لان انا شايف ان كورة القدم لعبة ممتعة واكيد لو عايز اتمتع عندي الدوري الانجليزي و الاسباني و ربنا يبارك في الوصلة طبعا .. بس اللي هنا دي مفيهاش اي متعه من الامتاعات الكروية ابدا .. فقولت في نفسي طيب انا ليه بقى اتفرج على عك و اعصب نفسي على الفاضي .. المهم .. الموضوع النهارده يختلف جدا جدا .. النهارده دا شيء بعيد كل البعد عن نظرية المتعة الكروية .. و ليس بعيد عن موضوع الانتماء الوطني .. لكن خينا نخليه بعيد دلوقتي كمان عن الانتماء .. انت لو معدي في الشارع شايف اتنين بيلعبوا مع بعض اي لعبة شوارع و المنافسة محدته بطريقة شيقة تجبرك على الوقوف .. هاتقف و تتفرج و تشوف ايه اللي بيحصل و تتشنج كمان حتى لو واقف لوحدك وانت لوحدك اللي بتشجع او بتتفرج بمعنى اصح .. النهارده دا ماتش ميتفوتش .. مش علشان متعة كروية او علشان انتماء وطني .. لكن علشان قوة المنافسة .. والشيء بقى اللي يخليني اشجع مصر طبعا هو الانتماء الوطني
ياريت كل الناس تعرف الكلام ده .. الماتش ده مش هو مصر .. ولا هو نهاية العالم .. و لا ابدا ينفع اللي حصل ده حتى وان كانوا الجزاشريين جميعا غلطانين .
لازم يكون في ظبط نفس من عندنا ومن عندهم و نشجع بعصبية بس بعصبية زي اللي قولتها فوق دي .. زي لو اتنين بيلعبوا في الشارع وانت متعرفش حد منهم
بس انت هنا بتشجع علشان دا شيء منتمي لمصر .. مش مصر اللي بتنتمي ليه
مصر اكبر بكتييير من ماتش كورة .. او حكومة .. او جيل كامل او جيليين تلاتة حتى .
ياريت الناس تفهم .. و تقدر و تشجع
و احب اقول في النهاية زي الكليب اللي موجود على الفيس بوك حاليا
دوقوا الجزائر .. دوقوا الجزائر .. دوقوا الجزائر في السودان دوقوا الجزائر
(معلش في النهاية انا مصري برضه ) :):):)