مطلوب القبض عل العصابة
وكالعاده
ندا ملوش اي استجابة
طب فين الرقابة
نايمين
ويادوب معينين غفير عل البوابة
واجي في الاخر واسال
في حد فاهم حاجة ؟؟؟
وبعد كام يوم
مسكوا العصابه
وجاري تنفيذ الاحكام
عل العبيد وعل الحكام
عل البريء والظالم
عل الصاحي و النايم
واللي بيفكر ينام
محكمــــــــــه يا بشر
فتحت الجلسة
نادوا عل الحرامي وعل الغفر
سأل القاضي
كان بيسرق ايه يا غفر
رد الغفر
كان بيسرق بقرة من البقر
قال الحرامي لا
القاضي قاله اسكت
سكت الحرامي
وسلم مصيرة للقدر
اتحكم على الحرامي بالسجن سنتين
و بدل البقرة اللي سرقها
يرد بقرتين
صرخ الحرامي حرااام
وقال ده ظلم
يا قاضي انا خدمت الراجل ده سنة وعشرة وعشرتين
و كنت باخد فتات وراضي
لاجل اربي العيلين
وفجأة
الدنيا زنقتي
ومش عارف اروح فين
سالت البيه معونة
قاللي هو انا بنك وللا زاويه بمدنتين (مئذنتان) 1
وسالت كل الناس
ملقيتش غير ردين
معندناش
ونجيب منين
و مشوفتش قدامي غير طريقين
يا اسرق
يا اموت من الجوع انا والعيلين
فسرقت من حقي اللي عند البيه
حق خدمتى
اللي باينه عل الكتفين
اكلت عيالي وسدت الدين
وكله من حقي في خدمة البيه
يبقى اكون غلطان لو خدت حقي بالايدين
سمع القاضي الكلمتين
ونطق بالحكم
حكمنا عل المتهم بسنتين
ورد بدل البقرة بقرتين
و محكمــــــــــــــة
هناك 4 تعليقات:
والله حلوة .. بس مين الحرامي ومين المشتكي ومين القاضي ؟؟ ومين العيلين !!
سعيدة بمروري هنا ..
الحرامي هو الشعب الغلبان اللي مش لاقي ياكل
و المشتكي اللي هو صاحب العزبة حسني مبارك الرئيس المخلوع
و اتلقاضي هو مجلس الشعب اللي المفروض بيشرع قوانين تخدمنا مش تموتنا
و للعلم الموضوع ده مكتوب قبل الثورة
و في النهاية انا اسعد بتواجدك الطيب هنا :)
ربك كبير ، هانت خلاص
موفق دائماً
الحمد لله على كل شيء
شكرا اصالة للتواجد و الرد الطيب :)
إرسال تعليق