عشاق القمر

ليه القمر بالذات
في العشق ليه روايات
في حكاية لسه بتبـــدأ
او ماضي عدى وفـات
..
يمكن لانه بيسهر
وبعد اما يكبر يصغر
زي حكايات العشـق
بيجلها يوم وبتخسر
..
يمكن لانه مدور
وفي عز ليلنا منـور
زي شعاع الحـــــب
بيفتح القلب الاعور
..
يمكن لانه جميل
بيخلي ليلنا طويــــــل
ومسهرني ويا حبيـبي
في ضية على شط نيل
..
يمكن لانه هادي
بيسمع اللي يـــــــنادي
لو كان عاشق مجروح
او قلب لسه فاضـــــي
..
يمكن لانه ساعات بيغيب
نشتاقله شوقه زي الحبـــيب
ما الحب زاد من كتر الشوق
والشوق يزيد ولو كان قريب
...........