الأربعاء

فراق


افترقنا
ولا هاحزن ولا هابكي
ولا الف الشوارع احكي
عن قلبي اللي راح
عن عمري اللي ضاع
في حلم كان جميل
مع حب كان مستحيل
وافترقنا
باحترام وببتسامة
من غير عتاب
من غير ملامة
من غير دموع
تطفي الشموع
على الحب اللي مات
من غير اهات
تصرخ قلوبنا بيها لساعات
و افترقنا
لكن جوايا ياريت نعود
ياريت الحب يحيى
بعد اما اكله الدود
ياريت نعود
بشوق جوانا من بعد الغياب
و قلب يرتاح من كتر العذاب
من كتر الفراق
من يوم الوداع
يوم الفراق

هناك تعليقان (2):

Kaf The legend يقول...

لا يا عم احمد محبكش وانت كدا دانت كنت بنخليني اتفائل

وخليك فاكر يا كبير كلمتك اننا عايشين علشان نتأمل بس وننبسط بحياتنا

AzemA يقول...

طيب ما هو الفراق تم بابتسامة يا اسطورة
تم بتفاهم من غير بكى من غير دموع ظاهرة
بس كان لازم يتم
و في النهاية حتا مقطعتش كل الخيوط
سيبت خيط مع انه ضعيف اوي بس اهو خيط يمكن اقدر امشي عليه وارجع
و اوعدك قريب اني انزل شحنة تفائل ان شاء الله :):)