اسمها مصر

هي البلد دي ايه
تراب وبمشي عليه
نيل واهرامات
بيوت راسمة الحارات
ناس ولاد نكتة .. ولاد لذينَ
في الريف وفي المدينة
على القهوة مرصوصين
زي الحجارة على الجوزة
وناس في الزحمة محبوسة
شباب ع الدنيا رايح
و ساعات في مظاهرة طايح
مشحون سياسة و مبادئ
والليل اهو لسه بادئ
في شوارع المحروسة
تشوفها تلاقيها عروسة
زفتها موكب مهول
وحلقة طعمية وفول
عليها البشر ملمومة
تحس انها معزومة
وبعد دا كله تشتم
في بلدك بسبب الحكومة
لا اسمحلي
دا يبقى جهل
البلد دي شعب واهل
طيبين
في الفرح ملمومين
في الحزن متواسين
مهما تكون المله
مهما يكون الدين
ياللي انتوا مش فاهمين
وعايزين ثورة ونصر
ياخسارة بقالكم سنين
متعرفوش ان اسمها مصر

for copyrights
the photo is designed by
Abdulah emad
and added from HI Designer group