الجمعة

سامحيني


في لحظة غضب
كل كلمة قولتهالك
كانت سكين
قطعت شرياني و شريانك
من غير تسكين
و جرحتك
ايوا جرحتك
لكن
ازاي دبحتك
وانا المسكين
و الدم نازف مني حزين
وهو ده اللي انا كنت شايفه في وجداني
قبل اما نتقابل تاني
و اتاريكي انتي اللي حزينة
المسكينة
وانا الموهوم
اتاريكي انتي المظلومة
وانا مش مظلوم
انتي اللي جرحك كان اكبر من جرحي بيوم
لا بشهور
او حتى سنين
واتاري السكين
قطع كل شيء فيكِ
مش بس الشريان

ليست هناك تعليقات: