الحب لو ليه باب
وانت عليه خبطت
فتحتلك بنوتة حلوة
من جمالها اتلخبطت
و سرحت جوه بحور عنيها
مالقتلك مرسى تقف عليه ولا شط
و قلبك من فرحته بيها
رقص جواك و فرح ونط
نفسه يجري عليها
و يرسم لقلبها خط
لكن الحب كلمة
وقفت على طرف لساني
ماقدرت اقولها زي اي حد
و ازاي اقدر اقول
وانا الشخص الخجول
اني معجب
هل دا عادي
هل دا عيب
هل حرام
هل هايعجبها الكلام
وللا الباب هايترد
و تقولي لا
او اي حجة و السلام
والاقي لفعلي اسوء رد
يخليني اتوه وسط احراجي
واحلف لابني سور على قلبي
ما يتهد
و في لحظة اقابل باب تاني
اهد السور و اخبط علية
و برضه استنى رد
هناك 8 تعليقات:
هههههههههههههههههههههه وربنا كأنك بتحكي عني بالظبط
انا استغربت جدا لما قريتهاواللة لكن السؤال هل انا لسة مراهق
:)))
؟؟؟؟؟؟؟
هههههههههههههههههههههههه
لا يا اسطورة لانك لو لسه مراهق
يبقى كلنا مراهقين احنا كمان
ما الحال من بعضة و الا مكنتش كتبتها
ههههههههههههههههه
بس العنوان لان الواحد بيبدئها من لحظة المراهقة
كلامات جميله
والاجمل انها تعبر عما يدور بداهل كل شاب
ابدعت فى التصوير والرسم بالكلامات
واشكرك على الزيارة العطرة
واتمنى تشوف كلاماتى
هههههههههههههه
ما احنا يابنى بنعرف نكتب
تحياتى
جايدا العزيزي
اسم غريب لكن جميل و ملفت للنظر
كذلك مدونتك الفنية
غريبة جميلة و ثورية جدا
انا شوفت طبعا كلامك و عجبني جدا بس انا اللي كان شدني في الاول هو الصور واستفزتني جدا علشان ابعت كومنت
بس بصراحة انتي عندك صور اكثر من رائعة ومش بس صور مصر
لا كمان باقي الصور رائعة جدا جدا
وكلامك بقى انا هاعلق عليه بس في مدونتك
و شرفني وجودك
تلك هي زيارتي الاولى
لـ حرمك
:
سعدت بالتواجد فيه
انثى من حرير:
شرفني و اسعدني تواجدك الاول في بيتك الثاني
و لا يسعني غير ان اشكرك كثرا على زيارتك العطرة
و ردك الوقور
و اتمنى تكرار تواجدك
تحياتي
انشاء الله هتلاقى رد من اول باب منغير ماتبنى سور ولا حاجة
كلماتك جميلة وتعبيراتك ممتازه
اعتقد ان مرورى على هذه المدونة اصبح ادمان اتمنى الا اتخلص منة
تحياتى
هههههههههههههههههههههههههههه
للاسف يا عمرو انا مليش في الابواب دي اصلا
او بمعنى اصح اعتزلتها :):)
لكن بجد انت احرجتني بذوقك و ردودك اللي مدياني اكتر من حقي بكتيير
انا اللي اشكرك شكرا كبيرا لانك انسان محترم بجد
و خلتيني افرح ان في ناس كده بتدخل على المدونة المتواضعه دي
تحياتي الكبيرة ليك يا عمرو
إرسال تعليق