الجمعة

السد



واخيرا
بعد التوهان سنين
وصلت لسد
مبني من طوب متين
ما بيتهد
و مبني للسد سور
احجارة زي السطور
سطر بطاله
سطر وحده
سطر غربة
على ارض بور
زرعها بيموت
لا دا مش زرع
دا عمري اللي بيفوت
وانا واقف انتظار
علشان اعدي
يمكن وراه
الاقى لي حلم قدي
ياخد ب يَدّي
و يمكن الدور يعدي
و ينساني
وافضل واقف مكاني
و لما ازهق
الم ياسي وصبري
واحفر بنفسي قبري
قصاد السد

هناك 4 تعليقات:

walaa mahmoud يقول...

بجد بجد بجد اكتر من رائعه ...احساسك فيها عالي جداااااا...وان شاء الله تلاقي حلمك اللي ياخد بيدك ..وتبني فوق السد قصر..وتتحق احلام كتير من غير حصر...:):))))))))

ZEMA يقول...

ولااء
مشجعتي الاولي :):)
شكرا جدا جدا جدا على ردك الحلو اللي بيشجعني دايما
و عقبال ما تبقي شريكة عمل :):)

ربنا يكرمك انتي كمان وتقدري تحققي كل احلامك

amr awwad يقول...

احساسك ملوش حل

بجد اسلوب راقى وكلمات سهله ومعانى ولا اجمل

استمر فى ابداعك

ZEMA يقول...

شكرا جدا يا عمرو على ردودك العذبة

و مشرفني وجودك في المدونة

تحياتي :)