الثلاثاء

خيرك و شرك .. مين نفعك و مين ضرك


ان كنت شمعه ضوت حياة ناس
و طفاها الناس
انسى
و حاول من عجين الشمع
تضوي تاني
دا نور الشمس لو كان اناني
كان حاسبنا
كان يسيبنا
و كان هايبقى مظلوم
مش جاني

لو تلف الدنيا على محور خير ماسك فيه البشر
مش هتلاقي
الخير صبح جوا العبيد اطياف
و من كان جواه الخير درر
تلاقيه مهما لف و طاف
يزرع خير يحصد شرر

غابه
وفيها من كل صنف ولون
ديابه
في الاصل و اسمها فرعون
الوش
مهما كان مزيون
تشوفه
شيطان رجيم ملعون
تقرف
من وجوده
تعرف
ان الشر جوده
لا له كلمة ولا وعد ولا عهد يصون
وان كانت الدنيا معناها الشر
فعليه الخير يهون

انت ياللي جواك خير
اوعى تسيبه
شوف الشمس و اتعلم
لو شافت ضل
تيجي عليه تخليه يتكلم
و اهو كان ضل محدش داري به

افرح بخيرك
و اتمناه لغيرك
حتى لو قابلنا ب شر
ربنا لا بينسى مظلوم و لا ظالم
ولابد من يوم
تترد فيه المظالم
و احنا مش ملايكة
احنا في الاخر بشر

هناك 4 تعليقات:

غير معرف يقول...

جميلة جدا
استمر فى ابدعاتك وربنا يوفقك

Unknown يقول...

شكرا عمرو
تحياتي

mania يقول...

كلامك غريب بس صادق اوى ........... اصلى جداااااااااااااااااا .... كمل يا مان :D

Unknown يقول...

عرفتك يا صقر يا كبير :):):)
ياحج الكلام الغريب نوضحة :):)
و تكشر يا عمونا على المتابعه