السبت

رحلة


احب التراب
وارسم عليه بعصايه
و الميه
القاها ليا مرايه
واللعب وسط المزارع
كان اول الحكايه
قبل اما الدنيا تجري
وتقولي اجري ورايا
حبة تمسك ايديا
والقيها تجري معايا
و ساعات تلاعبني لعبة
الاقيها استغماية
ولو في يوم الحزن
خد حتة من جوايا
القيها جايا عليا
ومعاها حبة هدايا
ماهي دنيا و هاتفضل دنيا
من ادم للنهاية


هناك 4 تعليقات:

غير معرف يقول...

يا سلام الله عليك يا حج احمد

أنثى من حرير يقول...

رحله جميله في عالم أبجدياتك
رائع يا سيدي
كن بخير

ZEMA يقول...

متشكر جدا يا غير معروف
يا ترى انت مين بقى :):)

ZEMA يقول...

دمتي بخير سيدتي

شكرا لمرورك الطيب :)