احب التراب
وارسم عليه بعصايه
و الميه
القاها ليا مرايه
واللعب وسط المزارع
كان اول الحكايه
قبل اما الدنيا تجري
وتقولي اجري ورايا
حبة تمسك ايديا
والقيها تجري معايا
و ساعات تلاعبني لعبة
الاقيها استغماية
ولو في يوم الحزن
خد حتة من جوايا
القيها جايا عليا
ومعاها حبة هدايا
ماهي دنيا و هاتفضل دنيا
من ادم للنهاية
هناك 4 تعليقات:
يا سلام الله عليك يا حج احمد
رحله جميله في عالم أبجدياتك
رائع يا سيدي
كن بخير
متشكر جدا يا غير معروف
يا ترى انت مين بقى :):)
دمتي بخير سيدتي
شكرا لمرورك الطيب :)
إرسال تعليق