السبت

كلمات رمضان - الكلمة الثالثة - المعاملات


لو مجربتش تحب ابدا .. تفتكر هاتعرف يعني ايه حب
طب لو مجربتش شعور الذل .. هاتعرف يعني ايه ذل او تكبر

معنى كده ان اللي مجربش شعور ازاي يعرفة .
يبقى ازاي عرفت ان ده بيحقد عليك
و ان ده بيحسدك
سؤال محتاج منك جواب :):)

طيب تحب تشوف العكس كمان
لو انت بتكذب .. هتحس ان كل الناس بتضحك عليك - بتحور عليك - يعني بتكذب عليك
لكن لو انت صادق .. هاتصدق اي حاجة
لكن مش معنى كده انك اهبل هاتصدق كل الناس .. ساعات بيبقى في حاجات انت تعرف عنها او حاجات مستحيلة تتصدق

يعني الاحساس متعرفوش الا لو جربته
و المعاملة بتتقابل بالمثل

معنى كده انك انت السبب لو حسيت ان حد بيحقد عليك .. لانك اكيد حقدت على حد
و تبقى انت السبب لو حسيت ان حد كذب عليك .. لانك كذبت على حد

و في اكتر كمان
لو انت عرفت بنات كتير .. و بعدين لما جيت تتجوز قولت ما اتجوزش الا من واحده محترمة معرفتش شاب قبلي
اعرف انك كل ما تلاقيها بتعمل حركة تفكرك ببنت عرفتها قبل كده .. هاتتعصب عليها و تشك فيها و تعيش حياة جحيم

و كل ده من ربنا لان الله لا يظلم احدا
فاللي تقبلة على حد و متقبلوش على نفسك و تعملة .. اعرف انه هايتردلك
و اللي تحبة لنفسك و متحبوش للناس .. اعرف انه هايزول منك

دا ربنا هو العادل .. و هو اللي خلقني و خلقك .. و هو اللي حكم بين كل الناس

ياريت تجيب استيكة و تحاول تمسح كل الاحاسيس اللي مش عجباك
امسحها من عندك هاتلاقيها اتمسحت من عند الناس

عامل الناس كما تحب ان تعامل ( بفتح الميم )
ارضى لغيرك الخير كما ترضاه لنفسك
و لا تقبل على الناس ملا تقبله على نفسك و اهلك

صدقني حياتك هاتتغير للاحسن

طيب متصدقنيش
تصدق ربنا
قال تعالى
و ما تفعلوا من خير تجدوه عند الله هو خيرا و اعظم اجرا
صدق الله العظيم


هناك 4 تعليقات:

الحياة الطيبة يقول...

ما شاء الله كلمات من ذهب ,الله يزيدك من علمه وفضله فعلاً لفت نظرنا إلى حقائق ,قلم رصاص مبري أنت قلم مميز ,بعد إذنك سأمر على مدونتك لأني أجد فيها فكر عميق وراقي .

Lady E يقول...

كتير نسيوا ان الدين المعاملة

مش شرط انك تكون كذاب علشان حد يكذب عليك ممكن اللي بيكذب عليك ده يكون اصلا كذاب !

لكن فعلا كما تدين تدان واللي بيعمل خير بيرجعله واللي بيعمل شر بيرتد عليه

ZEMA يقول...

الحياة الطيبة
شاكر جدا لمرورك و ردك الراقي
و المدونة تزداد شرفا باطلاعك عليها

جزاك الله خيرا

ZEMA يقول...

ليدي
شاكر مرورك و نقدك الموضوعي

و لكن اسمحيلي لم اكن اقصد هذا

انا قصدت من يكذب كل الناس و ان كانوا صاددقين
فهناك اناس لا يصدقون ابدا ما يقال
و يبدأون بالشك في كل كلمة تقال

و اعجبني جدا الرد الناقد

جزاك الله خيرا