الثلاثاء

دور بنفسك


سؤلات سؤلات
من غير اجابات
فين الشغل فين الوظيفات
شباب متخرج
مرصوص في القهوة على الطولات
رحلة توظيفه صولات جولات
وشه مبوز
عايز يتجوز
منين المهر وفين هيبات
شغل ساعات فوقها ساعات
و يا دوب يتعشى فول حبات
الناس طهأنه الناس زهقانه
الناس مليانه اهات في اهات
جايبه اخرها من الحكومات
ايوة حكومة كلها غلطات
بس العيب في الناس يا ولاد
كل واحد واقف في طابور
مستني الدور
ولما بيوصل
يلقى الدنيا قطر وفات
يرمي همومه على الازمات
اخرج برة الدنيا كبيرة
مش لازم تمشي بعلامات
انت بنفسك ابني طريقك
وبلاش تستنى المعونات
دا اللي بنوها قبلك كانوا
زي و زيك مش باشاوات

هناك تعليقان (2):

Muhamad Abdulghany يقول...

وابقى سلملى على قطر الحكومه اللى واقف فى المحطه ومش بيتحرك بيلم الناس فيه وخلاص

Unknown يقول...

دا قطار عايز بتولع فيه
و المشكله الناس مصرة تركبة برضه